Асамблея няўрадавых дэмакратычных арганізацыяў Беларусі
The Assembly Of Pro-Democratic NGOs Of Belarus
Старонка ў Facebook
Атака ўладаў на праваабарончыя арганізацыі – выклік для беларускай грамадзянскай супольнасьці
English Version
Падзеі (прэс-рэлізы)
Часопіс "Асамблея"
Кампаніі Асамблеі
Стратэгічны плян разьвіцьця Асамблеі
Структура Асамблеі
Канцэпцыя спрыяньня органамі ўлады разьвіцьцю грамадзянскай супольнасьці Беларусі
Паслугі для сябраў
Прадстаўнікі Форуму грамадзянскае супольнасьці дамагліся, каб іх запрашалі на іншыя мерапрыемствы ў межах праграмы Ўсходняе партнэрства
2010-04-30
Супраць дадзенага рашэньня выступіла толькі афіцыйная дэлегацыя Беларусі. Пра гэта паведаміў сьпікер Форума грамадзянскае супольнасьці і старшыня Рабочае групы Асамблеі НДА Сяргей Мацкевіч.
29 красавіка ў Брусэлі адбылася трэцяя міждзяржаўная сустрэча па першай плятформе праграмы Ўсходняе партнэрства “Дэмакратыя, добрае кіраваньне і стабільнасьць”. На ёй прысутнічалі дэлегацыі з шасьці краінаў-удзельніцаў праграмы, 27 краінаў-сябраў ЭЗ і прадстаўнікі Эўракамісіі. Тэма трэцяй сустрэчы: удасканаленьне судовай сыстэмы і барацьба супраць карупцыі.
“На падобнае мерапрыемства ўпершыню былі запрошаныя прадстаўнікі Форуму грамадзянскае супольнасьці, -- распавёў удзельнік сустрэчы Сяргей Мацкевіч. – Пакуль у якасьці госьцяў. Мы мелі магчымасьць толькі выказаць свае рэкамэндацыі і меркаваньні. Гэтай магчымасьцю мы скарысталіся напоўніцу. Паколькі нашая асноўная мэта – запрашэньне на наступныя мерапрыемствы праграмы Ўсходняга партнэрства ў іншым статусе, каб мы маглі ня толькі кантраляваць і займацца маніторынгам, але і ўдзельнічаць у дапрацоўцы праграмы”.
На трэцяй міждзяржаўнай сустрэчы было прынятае рашэньне запрашаць прадстаўнікоў Форуму грамадзянскае супольнасьці ня толькі на паседжаньні плятформы, але і на іншыя мерапрыемствы. Такі варыянт падтрымалі амаль усе ўдзельнікі трэцяй міждзяржаўнай сустрэчы. Супраць выказаліся толькі прадстаўнікі афіцыйнай дэлегацыі Рэспублікі Беларусь.
“Адзіныя, хто быў супраць, але не на самім паседжаньні, а папярэдне, -- гэта афіцыйная дэлегацыя Беларусі. Да пачатку трэцяй міждзяржаўнай сустрэчы па першай плятформе яны даслалі ліст за подпісам амбасадара Беларусі ў ЭЗ Уладзімера Сянько. Маўляў, у іх шмат працы і запрашэньне большай колькасьці людзей запаволіць работу. А акрамя таго, прадстаўнікі афіцыйнай дэлегацыі ня бачаць карысьці ў нашай працы”, -- распавёў Сяргей Мацкевіч.
На трэцяюю міждзяржаўную сустрэчу па першай плятформе праграмы Ўсходняе партнэрства былі запрошаныя прадстаўнікі каардынацыйнага камітэта Форуму грамадзянскай супольнасьці старшыня Рабочае групы Асамблеі НДА Сяргей Мацкевіч і кіраўнік праграмы “Эўрапейскае партнэрства – у імя дэмакратыі” Хрысьціна Прунерава.
Кантактная асоба:
Сяргей Мацкевіч, старшыня Рабочае групы Асамблеі НДА, + 375296512397
Электронная пошта: preskantakt@belngo.info
Атака ўладаў на праваабарончыя арганізацыі – выклік для беларускай грамадзянскай супольнасьці