Міліцыянты затрымалі наклад незалежнай газэты і супрацоўнікаў рэдакцыі

[17 сакавіка]:



Сёньня раніцай у Менску былі затрыманыя міліцыяй Сяргей Калякін, Сяргей Вазьняк і Зьміцер Яненка. Разам зь імі затрыманы 200-тысячны наклад газэты «Товарищ».

Газэта была аддрукаваная ў Расеі і прывезеная раніцай у Менск, ішла яе разгрузка ў гараж Сяргея Калякіна. У гэты момант да апазыцыянераў пад’ехалі супрацоўнікі міліцыі, якія выклікалі падмацаваньне. Лідэр ПКБ, кіраўнік штабу А. Мілінкевіча Сяргей Калякін пасьля высьвятленьня асобы быў адпушчаны. З. Яненка і С. Вазьняк цяпер утрымліваюцца ў АБЭЗ Савецкага РАУС.

Па словах юрыста штабу А. Мілінкевіча Уладзімера Лабковіча, падставай для затрыманьня стала тое, што газэта «Товарищ», галоўным рэдактарам якой зьяўляецца С. Вазьняк, нібыта, была ўвезеная ў Беларусь з парушэньнямі ў афармленьні таварна-транспартных накладных.


Ядвіга Мацкевіч