Вітаем!
Вы на старонцы Асамблеі няўрадавых дэмакратычных арганізацыяў - найбуйнейшага аб'яднаньня незалежных грамадзкіх структураў Беларусі.
Даведацца болей пра Асамблею...
Свабода асацыяцыі ў Беларусі: сытуацыя пагоршылася
Прамежкавая справаздача паводле вынікаў маніторынгу за пэрыяд 25.03.2009 - 24.06.2009
У пэрыяд маніторынгу зафіксавана значнае пагаршэньне сытуацыі з рэгістрацыяй новых грамадзкіх аб’яднаньняў: агульная колькасьць новазарэгістраваных арганізацыяў паменшылася ў параўнаньні з папярэднімі гадамі, а шэрагу вядомым незарэгістраваным грамадзкім арганізацыям і дзьвюм партыям было адмоўлена ў рэгістрацыі на нязначных альбо сумнеўных падставах. Парлямант прыступіў да разгляду законапраекту, які скіравны на яшчэ большае пагаршэньне ўмоваў рэгістрацыі грамадзкіх аб’яднаньняў і палітычных партыяў праз пашырэньне магчымых падставаў для адмовы ў рэгістрацыі. Структуры грамадзянскай супольнасьці як і раней маюць складанасьці з арэндай памяшканьняў для штодзённай дзейнасьці альбо правядзеньня асобных мерапрыемстваў. У траўні 2009 году быў упершыню з красавіка 2008 года вынесены абвінаваўчы прысуд паводле артыкулу 193.1 за дзейнасьць у складзе незарэгістраванага грамадзкага аб’яднаньня.
Спампаваць справаздачу па-беларуску ці па-ангельску можна ў разьдзеле Свабода асацыяцыі: маніторынг.